Sakonnin Masu Karatu

Salam, mun gode sosai Baban Sadik.  Allah kara basira, amin.  Filinka yana daga cikin filayen da ke sa ni sayan jaridar AMINIYA, ba na yarda na rasa ta.  -  Sadiq Ibrahim Sarina

Wa alaikumus salaam, Malam Sadik ni ma ina godiya, Allah saka da alheri.  A ci gaba da mana addu'ar gamawa lafiya.  Na gode.

Salam, Baban Sadik da fatan kana lafiya tare da iyalinka, Allah ya kare ka, ya kuma rabaka da bakin cikin duniya.  -  07055414807

Wa alaikumus salaam, ayya dan uwa, ina godiya wallah sosai da wannan addu'a.  Kai ma Allah ya raba ka, ya kuma raba dukkan al'umman Manzon Allah da bakin cikin duniya da na lahira baki daya, amin.

Assalaamu alaikum, Baban Sadik ina fatan kana cikin koshin lafiya. Ina tambaya ne game da Rai; yadda addinai da masana suka bayyana shi, yadda yake, inda yake a jikin dan adam, kuma yaya yake rabuwa da gangar jiki?  -  R. Usman Gabari

Wa alaikumus salaam, wannan tambaya na bukatar bincike ne na musamman, kuma kamar yadda na sanar a kasidar "Tuna Baya…" nan gaba kadan za mu shiga bayani kan wannan maudu'i.  Amma amsa tambaya makamanciyar wannan a sashen amsa tambayoyi ba zai samar da fa'ida gamammiya ba.  A dai dakace ni.

Salam Baban Sadik, yaya aiki da jama'a?  Allah saka da alheri kan taimakon da ake ma al'ummar Annabi.  Don Allah a ina ne zan iya samun littattafan Abu Raihaan, musamman ma na Turanci?  Na gode.  -  Balarabe Baba

Wa alaikumus salaam, Malam Balarabe a gaskiya ban san wani wuri da ake sayar da littattafan Abur Raihaan Al-Birooni ba a nan dai kusa. Shawarar da zan bayar ita ce, duk inda aka san ana sayar da littattafan Musulunci ko Tarihi, na turanci, ana iya lekawa ko za a dace.  Domin ire-iren wadannan littattafai na magabata basu cika samuwa ta dadi ba, saboda suna da dan karen tsada sosai, sannan mu kuma a nan bamu cika damuwa da yawan karance-karance ba.  Allah sa a dace, amin.